ᐃᓄᐃᑦ ᐃᖅᑲᖅᑐᐃᕕᖕᒥᑦ

ᐊᒥᓱᑦ ᐃᓄᐃᑦ ᐃᓚᐅᖃᑦᑕᖅᐳᑦ ᐃᖅᑲᖅᑐᖅᑕᐅᔪᖃᖅᑎᓪᓗᒍ.

• ᐱᕋᔭᒃᑕᐅᓯᒪᔪᖅ − ᐊᒃᓱᕈᕈᑎᖃᖅᐳᖅ ᐃᓱᒪᒥᒍᑦ ᑎᒥᒥᒍᓪᓘᓐᓃᑦ ᑮᓇᐅᔾᔭᒃᓴᓂᖓᒍᓪᓘᓐᓃᑦ ᐱᕋᔭᒃᑕᐅᓯᒪᓂᖕᒧᑦ.
• ᑕᐅᑐᓚᐅᖅᑐᖅ(ᑦ) − ᐅᖃᓪᓚᒋᐊᖅᑐᓲᑦ ᐃᖅᑲᖅᑐᐃᕕᖕᒧᑦ ᑐᓴᐅᒪᔭᖃᕋᒥᒃ ᐃᖅᑲᖅᑐᖅᑕᐅᔫᑉ ᒥᒃᓵᓄᑦ. ᐱᕋᔭᒃᑕᐅᓯᒪᔪᖅᑕᐅᖅ ᑕᐅᑐᓚᐅᖅᓯᒪᔫᔪᓐᓇᖅᑐᖅ.

• ᐸᓯᔭᖅ − ᐸᓯᔭᐅᔪᖅ ᐱᕋᔭᖕᓂᖕᒥᑦ. ᐸᓯᔭᐅᔪᖅ ᐸᓯᔭᒃᓴᐅᒃᐸᑦ ᐱᕋᔭᖕᓂᖕᒧᑦ ᑕᐅᔭᐅᕙᒃᐳᑦ ᐱᕋᔭᒃᑎᒥᑦ.

• ᐃᖅᑲᖅᑐᐃᔨ − ᑭᒡᒐᖅᑐᐃᔨ ᐊᐅᓚᑦᑎᔪᖅ ᐃᖅᑲᖅᑐᖅᑕᐅᔪᒥᑦ. ᐃᖅᑲᖅᑐᐃᔨ ᕿᒥᕐᕈᓂᐊᖅᐳᖅ ᓴᖅᑭᑕᐅᓯᒪᔪᓕᒫᓂᑦ ᖃᐅᔨᓇᓱᒡᓗᓂ ᑖᓐᓇ ᐸᓯᔭᐅᔪᖅ ᐸᓯᔭᒃᓴᐅᖕᒪᖔᑦ ᐋᒃᑲᓘᓐᓃᑦ ᐱᕋᔭᖕᓂᖕᒥᑦ. ᐃᖅᑲᖅᑐᐃᔨᑦᑕᐅᖅ ᖃᓄᐃᓕᓯᓂᐊᖅᑐᖅ ᐸᓯᔭᒥᑦ ᐸᓯᔭᒃᓴᓯᐊᖑᒃᐸᑦ.

• ᓈᓚᒃᑎᑦ − ᐃᓄᐃᑦ ᓂᕈᐊᖅᑕᖅᓯᒪᔪᑦ ᕿᒥᕐᕈᖁᔭᐅᓪᓗᑎᒃ ᓴᖅᑭᑕᐅᓯᒪᔪᓂᑦ ᐃᓱᒪᒃᓴᖅᓯᐅᕐᓗᑎᒡᓗ ᐃᓄᒃ ᐸᓯᔭᐅᔪᖅ ᐱᕋᔭᖕᓂᖕᒥᑦ ᐸᓯᔭᒃᓴᐅᖕᒪᖔᑦ ᐋᒃᑲᓘᓐᓃᑦ. ᐱᕋᔭᖕᓂᖕᒧᑦ ᐃᖅᑲᖅᑐᖅᑕᐅᔪᖅ ᓈᓚᒃᑎᖃᓗᐊᖅᐸᙱᑦᑐᑦ ᐃᓱᒪᒃᓴᖅᓯᐅᖅᑐᑑᕙᒃᖢᓂᓗ ᐃᖅᑲᖅᑐᐃᔨ ᐃᓄᑑᓪᓗᓂ.

• ᓈᓚᒃᑎᑦ ᐱᓕᕆᐊᖏᑦ ᐃᓱᒪᒃᓴᖅᓯᐅᕆᐊᖃᖅᖢᑎᒃ ᒪᓕᒡᓗᑎᒃ ᓴᖅᑭᑕᐅᓯᒪᔪᑦ ᐃᖅᑲᖅᑐᐃᕕᖕᒧᑦ ᓇᓗᓇᐃᔭᖅᓯᒪᓗᑎᒡᓗ ᒪᓕᒐᑦ ᒥᒃᓵᓄᑦ ᓴᖅᑭᑕᐅᓯᒪᔪᑦ ᐃᖅᑲᖅᑐᐃᔨᒧᑦ. ᓈᓚᒃᑎᑦ ᐃᓱᒪᓕᐊᖏᑦ ᐃᓱᓕᐅᕈᑕᐅᕗᑦ ᑕᒪᐃᓐᓄᓪᓗ ᐊᖏᖅᑕᐅᔭᕆᐊᖃᖅᖢᓂ.

• ᐃᖅᑲᖅᑐᐃᑎᑦᑎᔨᑦ ᐅᖃᐅᔾᔪᐃᒋᐊᖅᑎᐊ − ᑭᒡᒐᖅᑐᐃᓲᑦ ᐃᓚᒋᔭᐅᔪᓕᒫᓂᑦ ᐃᓄᖕᓂᑦ. ᖃᐅᔨᒪᔭᐅᖕᒥᔪᐃᑦᑕᐅᖅ ᐸᓯᒃᓯᔩᑦ. ᐱᓕᕆᐊᖃᖅᑐᑦ ᓴᖅᑭᑦᑎᓂᐊᕐᓗᑎᒃ ᐃᖅᑲᖅᑐᖅᑕᐅᑎᑦᑎᔫᑉ ᐱᓕᕆᐊᖓᓐᓂᑦ ᐸᓯᔭᒧᑦ. ᑭᒡᒐᖅᑐᐃᙱᑦᑐᑦ ᐱᕋᔭᒃᑕᐅᓯᒪᔪᒥᑦ, ᑭᒡᒐᖅᑐᐃᔪᐃᑦ ᑭᓯᐊᓂ ᐃᓄᓕᒫᓂᑦ ᐃᓄᖕᓂᓪᓗ.

• ᓴᐳᓐᓂᐊᖅᑎ − ᒪᓕᒐᓕᕆᔨᐅᕗᖅ ᑭᒡᒐᖅᑐᐃᓪᓗᓂ ᓴᐳᔾᔨᓪᓗᓂᓗ ᐸᓯᔭᐅᔪᒥᑦ.

• ᐃᖅᑲᖅᑐᐃᕕᖕᒥᑦ ᐸᓖᓯᙳᐊᑉ ᑐᒡᓕᐊ − ᑲᒪᒋᔭᓕᒃ ᐃᖅᑲᖅᑐᐃᕕᖕᒥᑦ ᖃᐅᔨᓴᖅᑎᐅᓪᓗᓂ ᐊᑦᑕᖕᓇᖅᑐᒦᖁᔨᓇᑎᒃ ᑭᒃᑯᓕᒫᓂᑦ ᐃᖅᑲᖅᑐᐃᕕᖕᒦᑦᑐᒥᑦ. ᐸᓯᔭᖅ ᐱᕋᔭᒃᓯᒪᔪᕐᓘᓐᓃᑦ ᐊᓄᓪᓚᒃᓰᕕᖕᒦᑉᐸᑦ, ᐸᓖᓯᙳᐊᑉ ᑐᒡᓕᐊᑕ ᐊᓄᓪᓚᒃᓰᕕᖕᒥᑦ ᐃᖅᑲᖅᑐᐃᕕᖕᒧᐊᕈᑎᕙᒃᐸᔾᔪᒃ.

• ᐃᖅᑲᖅᑐᐃᕕᖕᒥᑦ ᑎᑎᕋᖅᑎ − ᐃᑲᔪᖅᑐᐃᓲᖅ ᐃᖅᑲᖅᑐᐃᔨᒥᑦ. ᐃᖅᑲᖅᑐᐃᕕᖕᒥᑦ ᑎᑎᕋᖅᑎ ᑲᒪᒋᔭᖃᖅᐳᖅ ᓂᐱᓕᐅᕆᓂᖕᓂᑦ ᐃᖅᑲᖅᑐᖅᑕᐅᔪᓂᑦ, ᓇᓗᓇᐃᒃᑯᑎᖅᓱᐃᕙᒃᖢᑎᒃ ᑎᑎᕋᖅᐸᓪᓕᐊᓪᓗᑎᒡᓗ ᓴᖅᑭᑕᐅᓯᒪᔪᓂᑦ ᐊᖏᖅᑎᑦᑎᓪᓗᑎᒡᓗ ᑕᐅᑐᒃᑐᕕᖕᓂᓂᑦ.

• ᐃᖅᑲᖅᑐᐃᕕᖕᒥᑦ ᑐᓵᔨ − ᑐᑭᓕᐅᕆᕙᒃᐳᖅ ᐃᖅᑲᖅᑐᖅᑕᐅᔪᓂᑦ ᐊᓯᖏᓐᓄᑦ ᐅᖃᐅᓯᖕᓄᑦ ᐱᕋᔭᒃᑕᐅᓯᒪᔪᒧᑦ, ᑕᐅᑐᒃᑐᕕᓂᖕᒧᑦ ᐸᓯᔭᒧᓪᓘᓐᓃᑦ ᐅᖃᕈᓐᓇᙱᑦᑐᓄᑦ ᑐᑭᓯᐊᙱᑦᑐᓄᓪᓗ ᖃᓪᓗᓈᑎᑐᑦ.

• ᐱᓂᕐᓗᒃᑕᐅᓯᒪᔪᓕᕆᔨ − ᐃᖅᑲᖅᑐᐃᕕᓕᐊᓲᖅ ᐱᕋᔭᒃᑕᐅᓯᒪᔪᒥᑦ ᐃᑲᔪᕆᐊᖅᖢᓂ.

• ᐃᖅᑲᖅᑐᐃᕕᖕᒥᑦ ᐃᑲᔪᖅᑏᑦ − ᐃᖅᑲᖅᑐᐃᕕᖕᒦᑦᑐᓐᓇᖅᑐᑦ ᐃᑲᔪᕆᐊᕐᓗᑎᒃ ᐱᓂᕐᓗᒃᑕᐅᓯᒪᔪᒥᑦ, ᑕᐅᑐᒃᑐᕕᖕᓂᒥᑦ ᐸᓯᔭᐅᓯᒪᔪᒥᒡᓘᓐᓃᑦ.