ᖃᓄᐃᑦᑐᓂᑦ ᐅᖃᓕᒫᒐᖃᕐᖓᑕ ᒪᓕᒐᓕᕆᓂᕐᒧᑦ ᐅᖃᓕᒫᒐᖃᕐᕕᒻᒥ?

ᐅᖃᓕᒫᒐᖃᕐᕕᒃ ᐃᓗᓕᖃᖅᑐᖅ 5,000-ᖑᓗᐊᖅᑐᓂᑦ ᐊᔾᔨᒌᓐᖏᑦᑐᓂᑦ ᐅᖃᓕᒫᒐᕐᓂᑦ ᐊᑐᖅᑕᐅᔪᓐᓇᖅᑐᓂᑦ ᖃᐅᔨᓴᖅᑐᖃᕈᒪᓐᓂᖅᑲᑦ ᑐᑭᓯᒋᐊᖅᑐᖃᕈᒪᓐᓂᖅᑲᓪᓗ ᓄᓇᕗᒻᒥ ᒪᓕᒐᓕᕆᓂᕐᒥᑦ ᓄᓇᓕᓐᓂᑦ. ᐱᔾᔪᑎᖃᖅᑐᑎᑦ ᓄᐊᑦᑎᓯᒪᔪᑦ ᒪᓕᑦᑐᑎᑦ ᑲᓇᑕᒥ ᒪᓕᒐᓕᕆᓂᕐᒧᑦ ᐸᐃᑉᐹᖏᓐᓂ. ᒪᑯᓂᖓ ᒪᓕᒐᓕᕆᓂᕐᒧᑦ ᐸᐃᑉᐹᖃᐅᖅᑐᓂᑦ ᑭᓱᑐᐃᓐᓇᕐᓂᑦ ᑎᑎᕋᖅᓯᒪᔪᓂᑦ ᓴᖅᑭᑦᑕᒥᓂᕐᓂᑦ, ᐅᖃᓕᒫᒐᕐᓂᑦ/ᐃᓕᖅᑯᓯᐅᔪᓂᑦ ᐊᑐᐊᕈᑎᓂᑦ, ᐊᒻᒪᓗ ᒐᕙᒪᑐᖃᒃᑯᓐᓂ ᐊᒻᒪᓗ ᑲᓇᑕᐅᑉ ᐅᑭᐅᖅᑕᖅᑐᖏᓐᓂ ᒪᓕᒐᖏᓐᓂ. ᓄᐊᑕᐅᓯᒪᔪᑦ ᐱᔾᔪᑎᖃᕐᒥᔪᑦ ᑭᓱᑐᐃᓐᓇᐃᑦ ᐊᓯᔾᔨᐸᓪᓕᐊᖏᓐᓇᑎᓪᓗᒋᑦ ᐊᑐᖅᑕᐅᒋᐊᓖᑦ ᐃᓕᖅᑯᓯᐅᒋᐊᓖᑦ ᑐᑭᖏᓪᓗ ᐅᓪᓗᒥᐅᔪᖅ ᒪᓕᒐᓕᕆᓂᕐᒥᑦ ᐃᓕᓐᓂᐊᕈᑎᔅᓴᑐᐃᓐᓇᐅᓐᖏᑦᑐᓂᑦ ᒪᓕᒐᓕᕆᓂᕐᒥᑦ. ᐅᐊᑦᑎᐊᕈᕐᓂᓴᐃᑦ ᓄᐊᑕᐅᕙᑦᑐᑦ ᑭᓯᐊᓂ ᐊᑐᖅᑕᐅᓂᐊᕋᐃᒻᒪᑕ, ᓲᕐᓗ ᐱᑐᖃᐃᑦ ᐊᒥᓲᓕᖅᑎᓯᒪᔪᑦ ᑲᓇᑕᒥ ᐱᕋᔭᑦᑐᓕᕆᓂᕐᒧᑦ ᒪᓕᒐᕐᓂᑦ. ᐸᐃᑉᐹᑦ ᒪᓕᒐᓕᕆᓂᕐᒦᑦᑐᑦ ᐊᒻᒪᓗ ᐅᑭᐅᖅᑕᖅᑐᒥᑦ ᐅᕝᕙᓘᓐᓃᑦ ᐃᓄᓐᓅᖓᔪᓂᑦ ᑕᒪᒃᑯᓂᖓ ᒪᓕᒐᓕᕆᓂᕐᒥᑦ ᓄᐊᑕᐅᕙᑦᑐᑦ ᐊᑐᖅᑕᐅᓂᐊᕐᓂᕋᐃᒻᒪᑕ ᑭᓯᐊᓂ ᐊᒻᒪᓗ ᐊᑐᐃᓐᓇᐅᒐᐃᒻᒪᑕ.

ᑐᑭᓯᒋᐊᒃᑲᓐᓂᕈᒪᓐᓂᕈᕕᑦ, ᖃᐅᔨᒋᐊᕈᓐᓇᖅᑐᑎᑦ ᐅᕗᖓ ᓄᓇᕗᑦ ᐃᖅᑲᖅᑐᐃᕕᒃ ᒪᓕᒐᓕᕆᓂᕐᒧᑦ ᐅᖃᓕᒫᒐᖃᕐᕕᒃ ᓄᐊᑕᐅᕙᓐᓂᖏᓐᓄᑦ ᐱᖁᔭᐃᑦ