ᒪᓕᒐᓕᕆᓂᕐᒧ ᐅᖃᓕᒫᒐᖃᕐᕕᒃ ᐊᑐᐃᓐᓇᐅᑎᑦᑎᕙᑉᐳᖅ ᐊᑑᑎᖃᑦᑎᐊᖅᑐᓂᑦ ᐱᐅᑦᑎᐊᖅᑐᓂᓪᓗ ᑐᑭᓯᒋᐊᕈᑎᔅᓴᓂᑦ ᖃᓄᐃᑦᑐᑐᐃᓐᓇᑦᑎᐊᕐᓂᑦ ᐊᔾᔨᒌᓐᖏᕈᓘᔭᖅᑐᓂᑦ ᐊᑐᖅᑕᐅᔪᓐᓇᖅᑐᓂᑦ ᐃᖅᑲᖅᑐᐃᕕᐅᑉ ᐃᓗᐊᓂ ᓯᓚᑖᓂᓗ ᓄᓇᕗᒻᒥ.
ᐱᔨᑦᑎᕋᕐᓂᕗᑦ ᓄᐊᓯᒪᔭᕗᓪᓗ ᐃᓱᒪᒋᒐᑦᑎᒍ ᐊᑐᖅᑕᐅᒋᐊᓖᓪᓗᑦ ᐱᑕᖃᑦᑎᐊᖁᓪᓗᒋᑦ ᑐᑭᓯᒋᐊᕐᕕᐅᔪᒪᓐᓂᖅᑲᑕ ᐊᒻᒪᓗ ᖃᐅᔨᓴᕈᒪᓐᓂᖅᑲᑕ ᐃᖅᑲᖅᑐᐃᕕᓕᕆᓂᕐᒨᖓᔪᓂᑦ, ᓄᓇᓕᓐᓂᑦ ᑲᓇᑕᒥᓪᓗ ᒪᓕᒐᓕᕆᓂᕐᒨᖓᔪᓂᑦ, ᓄᓇᕗᑦ ᒐᕙᒪᒃᑯᖏᑦ ᐃᖅᑲᖅᑐᐃᓂᓕᕆᔨᒃᑯᑦ ᐃᖅᑲᓇᐃᔭᖅᑎᖏᓐᓄᑦ, ᐊᒻᒪᓗ ᑭᒃᑯᑐᐃᓐᓇᕐᓄᑦ ᑐᕌᖓᓪᓗᑎᑦ. ᐊᑐᐃᓐᓇᐅᑎᑦᑎᒍᒪᑦᑎᐊᕋᑦᑕ ᐱᔭᕆᐊᑭᑦᑐᒃᑯᑦ, ᐱᓕᕆᖃᑎᖃᑦᑎᐊᕐᓗᑕᓗ ᐊᑐᖃᑦᑕᕈᒪᔪᓂᑦ ᐅᖃᓕᒫᒐᖃᕐᕕᒦᑦᑐᓂᑦ, ᐃᖅᑲᓇᐃᔭᖅᑏᓪᓗ ᐱᓕᒪᔭᖅᑎᓪᓗᒋᑦ ᐊᒻᒪᓗ ᐊᐅᓚᑦᑎᑎᓪᓗᒋᑦ ᐊᑐᐃᓐᓇᖁᓪᓗᒋᑦ.